Зөв хариулт: Техникийн эвдрэлээс шалтгаалан тээврийн хэрэгслийн хөдөлгөөнийг зогсоох үйлдэл Тайлбар: МУ-ын ЗХД-ийн 1.4-т зааснаар техникийн эвдрэлээс шалтгаалан тээврийн хэрэгслийн хөдөлгөөнийг зогсоох үйлдлийг "Зайлшгүй зогсолт"-д хамааруулна.Хариу:2

Зөв хариулт: Зөв талын хол, ойрын болон ар талын оврын гэрэл Тайлбар: МУ-ын ЗХД-ийн 2.3.а-д зааснаар жолооч харанхуй буюу үзэгдэлт хангалтгүй үед зөв талын хол, ойрын болон ар талын оврын гэрлүүд асахгүй болсон бол хөдөлгөөнөө үргэлжлүүлэхийг хориглоно. Хариу:1

Зөв хариулт: Адил замын уулзварт ойртож байгааг Тайлбар: "Адил замын уулзвар" 1.5 тэмдэг нь адил замын уулзварт ойртож байгааг анхааруулна. Хариу - 2

Зөв хариулт: Зөвхөн А Тайлбар: "Чиргүүлтэй тээврийн хэрэгслийн хөдөлгөөн хориотой" 2.7 тэмдэг нь чиргүүл чирч яваа ачааны автомашин буюу трактор, мөн механикжсан тээврийн хэрэгсэл чирч яваа тээврийн хэрэгслийн хөдөлгөөнийг хориглоно. Иймд механикжсан тээврийн хэрэгсэл чирч Б чигт явахыг хориглоно. Хариу - 1

Зөв хариулт: А, Б Тайлбар: "Баруунаас зүүн гар тийш нэг чигийн хөдөлгөөнтэй" 5.9.б тэмдэг нь хөндлөн нийлсэн зам буюу зорчих хэсэг зүүн гар тийш нэг чигийн хөдөлгөөнтэй болохыг мэдээлэх бөгөөд А, Б сумны дагуу эргэхийг зөвшөөрнө. Хариу: 3

Зөв хариулт: Хориглоно Тайлбар: "Тээврийн хэрэгслийн зогсоолд тавих хэлбэр" 6.6.б тэмдэг нь "Зогсоол" 5.15 тэмдэг бүхий зогсоолд суудлын автомашин, мотоциклыг тэмдэгт дүрсэлсэн хэлбэрээр зогсоохыг заана. Иймд ачааны автомашин зогсохыг хориглоно. Хариу - 3.

Зөв хариулт: Зорчих хэсгийн захыг тэмдэглэнэ Тайлбар: "Үргэлжилсэн өргөн шугам" 7.2 тэмдэглэл нь зорчих хэсгийн захыг тэмдэглэх бөгөөд МУ ЗХД-ийн 1 дүгээр хавсралтын 25-д зааснаар жолооч зогсохоос бусад тохиолдолд давахыг хориглоно. Хариу:2

Зөв хариулт: Хөдөлгөөний аюулгүй байдлыг ханган хөдөлгөөнөө үргэлжлүүлэхийг зөвшөөрнө Тайлбар: МУ-ын ЗХД-ийн 5.2-т зааснаар уулзварт орсны дараа зөвшөөрөгдсөн дохио өөрчлөгдвөл хөдөлгөөний аюулгүй байдлыг хангаж, явж байгаа чигтээ хөдөлгөөнөө үргэлжлүүлнэ. Хариу: 1

Зөв хариулт: Тийм Тайлбар: МУ-ын ЗХД-ийн 7.13-д зааснаар хөдөлгөөний дараалал нь ЗХД-ийн бусад заалтуудад тусгагдаагүй газарт жолооч баруун гар талаас ойртон ирж яваа тээврийн хэрэгсэлд зам тавьж өгнө. Хариу: 1

Зөв хариулт: Хориглоно Тайлбар: МУ-ын ЗХД-ийн 7.18-д зааснаар гарц дээр ухрах үйлдлийг хориглоно. Хариу: 1

Зөв хариулт: Шаардлагатай Тайлбар: МУ-ын ЗХД-ийн 7.1-д зааснаар жолооч чиг өөрчлөхийн өмнө тэр чигт явахаа анхааруулсан дохиог эргэх чиг заадаг гэрлээр, хэрэв тэр нь ажиллахгүй буюу байхгүй бол гараар өгнө. Хариу: 1

Зөв хариулт: 80 км/цаг Тайлбар: МУ-ын ЗХД-ийн 9.3-д зааснаар тээврийн хэрэгслийн хурдыг суурин газрын гаднах замд цагт 80 км-ээс хэтрүүлэхгүйгээр сонгож явна. Хариу: 3

Зөв хариулт: Чиглэлийн тээврийн хэрэгслийн хөдөлгөөнд саад учруулахгүй бол зөвшөөрнө Тайлбар: МУ-ын ЗХД-ийн 11.5.в-д зааснаар чиглэлийн тээврийн хэрэгслийн буудал дээр буюу түүнд 15 метрээс ойр зайд /тэдгээр тээврийн хэрэгслийн хөдөлгөөнд саад учруулахгүйгээр хүн буулгах, суулгахын тулд түр зогсохоос бусад тохиолдолд/ түр зогсохыг хориглоно. Хариу - 2

Зөв хариулт: Тийм Тайлбар: МУ-ын ЗХД-ийн 5.3-д зааснаар уулзварт хөдөлгөөний дарааллыг гэрлэн дохиогоор зохицуулж байгаа бол дарааллын тэмдгийн заалтыг мөрдөхгүй. МУ-ын ЗХД-ийн 12.5-д зааснаар улаан буюу шар гэрэлтэй хамт ассан нэмэгдэл дохиогоор явж буй жолооч бусад чиглэлээс яваа тээврийн хэрэгсэлд зам тавьж өгнө. Дээрх заалтуудын дагуу та суудлын автомашинд зам тавьж өгөх шаардлагатай. Хариу: 1

Зөв хариулт: Хоёуланд нь зам тавьж өгнө Тайлбар: МУ-ын ЗХД-ийн 12.9-д зааснаар гол ба туслах замын уулзварт туслах замаар яваа жолооч гол замаар яваа тээврийн хэрэгсэлд зам тавьж өгнө. Иймд та суудлын автомашин, автобусанд зам тавьж өгнө. Хариу: 3

Зөв хариулт: Хоёуланд нь Тайлбар: МУ-ын ЗХД-ийн 5.3-д зааснаар уулзварт гэрлэн дохиогоор зохицуулж байгаа бол дарааллын тэмдгийн заалтыг мөрдөхгүй. МУ-ын ЗХД-ийн 12.4-т зааснаар жолоон ногоон гэрлээр зүүн гар тийш эргэхдээ уулзварт ороод, өөдөөс чигээрээ яваа тээврийн хэрэгсэлд зам тавьж өгнө. МУ-ын ЗХД-ийн 2.3.к-д зааснаар жолооч тусгай дуут болон гэрэл дохио ажиллуулсан / шар өнгийн дохио ажиллуулж яваагаас бусад / автомашин мотоцикл буюу тэдгээрээр хамгаалуулж яваа тээврийн хэрэгсэл ойртон ирж яваа үед тухайн зорчих хэсэг /уулзвар, гарц/ дээр зай тавьж зогсож өнгөрүүлэх үүрэг хүлээнэ. Дээрх заалтуудын дагуу мотоцикл болон тусгай дуут болон гэрэл дохио ажиллуулсан автомашинд хоёуланд нь зам тавьж өгнө. Хариу: 3

Зөв хариулт: Ослын дохионы гэрэл асааж, явж байгаа эгнээгээ өөрчлөхгүйгээр хурдаа хасах буюу зогсоно Тайлбар: МУ-ын ЗХД-ийн 15.1.а-д зааснаар жолоочийн нүд гялбан зорчих баримжаа алдвал ослын дохионы гэрлээ асааж, эзэлж явсан эгнээгээ өөрчлөхгүйгээр хурдаа хасах буюу зогсоно. Хариу - 2

Зөв хариулт: Дээрх бүгд Тайлбар: МУ-ын ЗХД-ийн 19.2-т зааснаар жолоодлогын дадлагыг эхлээд тусгайлан бэлтгэсэн талбайд хийж, сурагчид замын хөдөлгөөний дүрмийн мэдлэг, жолоодлогын зохих дадлагатай болсны дараа Замын цагдаагийн албанаас зөвшөөрсөн хугацаа, чиглэлийн дагуу замын хөдөлгөөнд хийнэ. Хариу - 3

Зөв хариулт: Түлш өгөлтийг нэмж, жолооны хүрдээр хөдөлгөөнийг тогтворжуулна Тайлбар: Урд хөтлөгчтэй автомашин эргэх үйлдэл хийх үед хойд тэнхлэгт шарвалт үүсвэл жолооч түлш өгөлтийг нэмж, жолооны хүрдээр хөдөлгөөнийг тогтворжуулна. Хариу - 1

Зөв хариулт: 10 градус Тайлбар: МУ-ын ЗХД-ийн 2 дугаар хавсралт 2.3-д зааснаар суудлын автомашины жолооны хүрдний сур эргэлтийн хэмжээ 10 градусаас илүү бол ашиглахыг хориглоно. Хариу: 1