Хэсэг 158451: Жолооны дүрм тэст 23
0/20
Асуулт 1
1/20
Ойролцоох зогсоолоос гарахад зориулагдсан зорчих хэсэг замтай огтлолцсон бэлчирийг уулзварт тооцох уу?
Зөв хариулт: Тооцохгүй
Тайлбар: МУ-ын ЗХД-ийн 1.4-т ойролцоох зогсоол, шатахуун түгээгүүр, үйлдвэр, албан байгууллага, хашаа, хороолол зэрэг рүү орох, тэдгээрээс гарахад зориулагдсан зорчих хэсэг замтай огтлолцсон бэлчирийг "Гарц" гэж заасан тул уулзварт тооцохгүй. Хариу:2
Асуулт 2
2/20
Жолоодлогын дадлага хийж яваа үед хамгаалах бүсийг хэн хэрэглэх үүрэгтэй вэ?
Зөв хариулт: Дадлага хийж буй сонсогч
Тайлбар: МУ-ын ЗХД-ийн 2.3.б-д зааснаар жолоодлогын дадлага хийлгэж яваа багш хамгаалах бүс хэрэглэхгүй. Хариу:1
Асуулт 3
3/20
Тэмдэг ямар утгатай вэ?
Зөв хариулт: Мотоциклийн хөдөлгөөнийг хориглоно
Тайлбар: "Мотоциклийн хөдөлгөөн хориотой" 2.5 тэмдэг нь мотоциклийн хөдөлгөөнийг хориглоно. Хариу- 1
Асуулт 4
4/20
Аль тэмдэг зүүн гар тийш эргэхийг зөвшөөрөх вэ?
Зөв хариулт: Зөвхөн Б, В
Тайлбар: "Мухар зам" 5.19.в тэмдэг нь тээврийн хэрэгслийн хөдөлгөөн нь цаашаа нэвт үргэлжлэх боломжгүй замын хэсгийг мэдээлнэ. "Баруунаас зүүн гар тийш нэг чигийн хөдөлгөөнтэй" 5.9;б тэмдэг нь хөндлөн нийлсэн зам буюу зорчих хэсэг зүүн гар тийш нэг чигийн хөдөлгөөнтэй болохыг мэдээлнэ. Иймд Б, В "тэмдгүүд зүүн гар тийш эргэхийг хориглохгүй. Хариу- 3
Асуулт 5
5/20
Зурагт үзүүлснээр замын энэ хэсэгт удаан зогсохыг зөвшөөрөх үү?
Зөв хариулт: Тэмдгээс цааш 50 метрээс хол зайд зогсох бол зөвшөөрнө
Тайлбар: "Үйлчлэх хүрээ" 6.2.б тэмдэг нь "Удаан зогсох хориотой" 2.28 тэмдгийн үйлчлэх хүрээг заана. Иймд тэмдгээс цааш 50 метрээс хол зайд зогсох бол зөвшөөрнө. Хариу: 2
Асуулт 6
6/20
Аль тэмдэг гэрэл буюу зохицуулагчийн хориглосон дохиогоор зогсох газрыг мэдээлэх вэ?
Зөв хариулт: Зөвхөн В
Тайлбар: "Зогс-шугам" 5.29 тэмдэг нь гэрэл буюу зохицуулагчийн хориглосон дохиогоор тээврийн хэрэгслийн зогсох газрыг мэдээлнэ. Хариу: 3
Асуулт 7
7/20
Эсрэг урсгалыг тусгаарласан үргэлжилсэн шугаман тэмдэглэлийг давж гүйцэж түрүүлэхийг зөвшөөрөх үү?
Зөв хариулт: Хориглоно
Тайлбар: 7.1 тэмдэглэлийг МУ-ын ЗХД-ийн 1 дүгээр хавсралтын 25-д зааснаар давахыг хориглоно.Хариу: 3
Асуулт 8
8/20
Аль тохиолдолд тэмдгийн үйлчлэх хүрээнд дуут дохио өгөхийг зөвшөөрөх вэ?
Зөв хариулт: Зам тээврийн ослоос урьдчилан сэргийлэхийн тулд
Тайлбар: "Дуут дохио хориотой" 2.26 тэмдгийн үйлчлэх хүрээнд зам тээврийн ослоос урьдчилан сэргийлэхээс бусад тохиолдолд дуут дохио өгөхийг хориглоно.Хариу:2
Асуулт 9
9/20
Та замын энэ хэсэгт:
Зөв хариулт: Саадыг тойрч яваа суудлын автомашинд зам тавьж өгнө
Тайлбар: МУ-ын ЗХД-ийн 7.15-д зааснаар өгсүүр замын нарийссан хэсэгт тээврийн хэрэгслүүд зөрж өнгөрөх боломжгүй бол өгсөж яваа тээврийн хэрэгсэлд зам тавьж өгнө.Хариу:1
Асуулт 10
10/20
Аль сумны дагуу буцаж эргэхийг зөвшөөрөх вэ?
Зөв хариулт: Зөвхөн А, В
Тайлбар: МУ-ын ЗХД-ийн 7.16.а-д зааснаар явган хүний гарц дээр буцаж эргэхийг хориглоно. Хариу: 2
Асуулт 11
11/20
Зурагт үзүүлснээр аль сумны дагуу буцаж эргэхийг зөвшөөрөх вэ?
Зөв хариулт: Зөвхөн Б
Тайлбар: МУ-ын ЗХД-ийн 8.3-д зааснаар хөдөлгөөний эгнээ нь тэмдэглэлээр тодорхойлогдсон гурван эгнээгээр зорчдог замын дунд эгнээ сөрөг хөдөлгөөнтэй бол уг эгнээнд зүүн гар тийш буюу буцаж эргэхийн тулд орохыг зөвшөөрдөг. Иймд Б сумны дагуу буцаж эргэхийг зөвшөөрнө. Хариу - 2
Асуулт 12
12/20
Гүйцэж түрүүлэхийг зөвшөөрөх үү?
Зөв хариулт: Хориглоно
Тайлбар: МУ-ын ЗХД-ийн 10.6.г-д зааснаар төмөр замын гарам дээр буюу түүнд хүртэл 100 метрээс ойр зайд гүйцэж түрүүлэхийг хориглоно. Хариу: 2
Асуулт 13
13/20
Аль тээврийн хэрэгслийн жолооч зөрчил гаргаж зогссон бэ?
Зөв хариулт: Зөвхөн Б, В
Тайлбар: МУ-ын ЗХД-ийн 11.1-д жолооч тэврийн хэрэгслийг хашлагагүй замд зорчих хэсгийг чөлөөлж зогсооно гэж заасан тул Б, В автомашинууд зөрчил гаргасан байна. Хариу: 2
Асуулт 14
14/20
Та баруун гар тийш эргэхдээ автобусанд зам тавьж өгөх шаардлагатай юу?
Зөв хариулт: Тийм
Тайлбар: МУ-ын ЗХД-ийн 12.5-д зааснаар улаан буюу шар гэрэлтэй хамт ассан нэмэгдэл дохиогоор явж буй жолооч бусад чиглэлээс яваа тээврийн хэрэгсэлд зам тавьж өгнө. Иймд та зам тавьж өгөх шаардлагатай. Хариу - 1.
Асуулт 15
15/20
Та чигээрээ явахдаа:
Зөв хариулт: Мотоциклд зам тавьж өгнө
Тайлбар: МУ-ын ЗХД-ийн 12.8-д зааснаар адил замын уулзварт жолооч баруун гар талаас ойртон ирсэн тээврийн хэрэгсэлд зам тавьж өгнө. Иймд та мотоциклд зам тавьж өгнө. Хариу - 3.
Асуулт 16
16/20
Та энэ тохиолдолд төмөр замын гарам руу орохыг зөвшөөрөх үү?
Зөв хариулт: Хориглоно
Тайлбар: МУ-ын ЗХД-ийн 14.5.г-д зааснаар жолооч төмөр замын гарам дээр тээврийн хэрэгслээ зогсоож болзошгүй саад тохиолдсон үед гарам руу орохыг хориглоно. Хариу: 3
Асуулт 17
17/20
Техникийн эвдрэлээс шалтгаалан цагт 40 км-ээс их хурдтай явах боломжгүй тээврийн хэрэгсэл тууш замд явахыг зөвшөөрөх үү?
Зөв хариулт: Зөвшөөрнө
Тайлбар: МУ-ын ЗХД-ийн 17.1.а-д зааснаар тууш замд техникийн дээд хурд нь цагт 40 км-ээс ихгүй тээврийн хэрэгслийн хөдөлгөөнийг хориглоно. Иймд техникийн эвдрэлээс шалтгаалан цагт 40 км-ээс ихгүй хурдтай явах тээврийн хэрэгслийн хөдөлгөөнийг хориглохгүй. Хариу: 1
Асуулт 18
18/20
Аль тохиолдолд ачаа тээвэрлэхийг хориглох вэ?
Зөв хариулт: Гадна талын гэрэлтүүлэх хэрэгсэл, гэрэл ойлгуур улсын дугаар, таних тэмдгийг халхлах бол
Тайлбар: МУ-ын ЗХД-ийн 22.2.г-д зааснаар тээврийн хэрэгслийн гадна талын гэрэлтүүлэх хэрэгсэл, гэрэл ойлгуур, эргэх чиг заадаг гэрэл буюу гараар өгөх дохио, улсын дугаар, таних тэмдгийг халхлахгүй байхаар ачааг тээвэрлэнэ. Хариу - 2
Асуулт 19
19/20
Автомашины төвөөс зугтах хүч аль тохиолдолд их байх вэ?
Зөв хариулт: Эргэлтийн радиус бага үед
Тайлбар: Автомашины төвөөс зугтах хүч нь эргэлтийн радиусаас урвуу хурднаас шууд хамааралтай байна. Хариу - 1
Асуулт 20
20/20
Амнаас аманд хиймэл амьсгал хийхдээ гэмтсэн хүнийг ямар байрлалд байлгах вэ?
Зөв хариулт: Нуруугаар нь хэвтүүлж, хүзүүн дор нь дэр ивээд толгойг арагш гэдийлгэнэ
Тайлбар: Хиймэл амьсгалыг амжилттай хийх гол нөхцөл нь осолдсон хүний амьсгалын зам чөлөөтэй байх нөхцөл юм. Иймд хүзүүн дор дэр ивж толгойг арагш гэдийлгэсэн байх шаардлагатай. Хариу - 1